Վերելք Արագած լեռ

11 ժամ
Լեռնագնացություն և քայլարշավ

Բացառիկ 9.7
Ըստ կարծիքների

Արագածը Հայաստանի Հանրապետության ամենաբարձր լեռն է, իսկ Հայկական լեռնաշխարհում՝ չորրոդը: Այն նաև Անդրկովկասի ամենաբարձր գագաթն է: Արագածը հանգած հրաբուխ է, որի խառնարանի շուրջ վեր խոյացող 4 գագաթները հրաշալի երևում են Երևանից, Կոտայքի, Շիրակի և Արագածոտնի մարզրեից: Գագաթներից ամենաբարձրը հյուսիսայինն է՝ 4095մ (ըստ որոշ աղբյուրների՝ 4090մ), իսկ ամենացածրը՝ հարավայինը (3879մ), որի հաղթահարումն էլ մեր այսօրվա տուրի վերջնանպատակն է: Հյուսիսային գագաթի հաղթահարումը լեռնագնացության հմտությունների, փորձառության ու պատրաստվածության ավելի բարձր պահանջներ ունի, իսկ հարավային գագաթի հաղթահարումը՝ անհրաժեշտ հրահանգավորման դեպքում հասանելի է գրեթե բոլորին:

Լեռը բարձրանալու լավագույն ամիսները հուլիսն ու օգոստոսն են, երբ լեռնային արահետները չոր են և անվտանգ: Երբ գագաթն ամբողջությամբ ձյունածածկ է, բարձրանալ կարող են միայն հմուտ լեռնագնացները՝ դահուկներով:

Արագած անվան ծագումը կապվում է Հայկի որդի Արամանյակի կամ էլ Արա աստծո անունների հետ. հավանաբար Արագած նշանակում է՝ Արայի գահ։  Տվյալ ուղղության ժամանակ կայցելենք Հայոց այբուբենին նվիրված հուշակոթող՝ Տառերի պուրակ հուշարձանն ու Ամբերդ ամրոց բերդաքաղաքը: Այնուհետև մեքենան կտանի մինչև Քարի լիճ (3200մ), որտեղից քարակատարով կբարձրանանք Արագածի հարավային գագաթ, կլինենք ամպերից էլ վեր, կվայելենք գագաթից բացվող հիասքանչ տեսարանները դեպի խառնարանի անդունդն ու ամպերից կախված Արարատ լեռը: 


Տուրի ծրագիրը

07:30
Մեկնում Երևանից:
08:30
Ճանապարհից չշեղվելով առավոտյան Արագած լեռան արևելյան լանջին փոքրիկ դադար կանենք Հայոց այբուբենին նվիրված հուշարձանի մոտ, որն իրենից ներկայացնում է հայոց այբուբենի 39 տառերի զարդաքանդակները և հայ մեծերի հուշարձանները: Կառուցվել է հայոց գրերի գյուտի 1600 ամյակի առթիվ 2005 թ-ին:
09:30
Շարունակելով ճանապարհը՝ մեքենայով կհասնենք շուրջ 3200 մ բարձրության վրա գտնվող Քարի լիճ: Այն սառցե գոյացություններից առաջացած մոտ 9 մ խորությամբ լիճ է:
10:00
Քարի լճի մոտից մոտ 5-6 ժամ տևող հանգիստ քայլքով խումբը լեռնային ուղեկցողի առաջնորդությամբ կբարձրանա Արագածի հարավային գագաթ:
13:00
Ճաշի դադար բնության գրկում
18:00
Արագածի գագաթը նվաճելուց և ցած իջնելուց հետո լեռան հարավային լանջին կայցելենք Ամբերդ միջնադարյան բերդաքաղաք-ամրոցը: Այն Հայաստանի տարածքում լավ պահպանված փոքրաթիվ ամրոցներից մեկն է, որ թվագրվում է 10-րդ դարով: Հարևանությամբ, հսկա անդունդի եզրին է տեղակայված Վահրամաշեն եկեղեցին:
19:00
Վերադարձ Երևան

Անհատական տուր ըստ պատվերի

Պատվիրելու համար սեղմել գնի վրա
2-3 անձ 4-6 անձ 7-15 անձ 16-25 անձ 25 > անձ
AMD 38850 AMD 24500 AMD 15550 AMD 9500 AMD -

Երաշխավորված մեկնումով խմբային տուրեր

Պատվիրելու համար սեղմել գնի վրա
Տուրի տևողությունը
12 Օգոստոս AMD 24500
21 Սեպտեմբեր AMD 24500

Տարադրամ :
*Տուրփաթեթի գինը նշված է մեկ անձի համար՝
խմբում նշված քանակով անձանց առկայության դեպքում:

Տուրի գինը ներառում է՝

  • Տրանսպորտային սպասարկումը հարմարավետ մեքենաներով,
  • Լեռնային ուղեկցող ծառայությունը,
  • Տուրի ծրագիրը և Հայաստանի տուրիստական քարտեզը,
  • Խմելու ջուրը,
  • Շուրջօրյա հեռախոսային աջակցությունը,
  • Հարկերը:

 

Տուրի գինը չի ներառում՝
  • Պիկնիկը բնության գրկքում: Ըստ ցանկության կարելի է լանչբոքսեր,
  • Ալկոհոլային խմիչքները,
  • Ապահովագրությունը: 

 

Նշումներ՝
  • Անհրաժեշտ իրերի ցանկ` ուսապարկ,  սպորտային, անջրանցիկ հագուստ,  լեռնային կոշիկներ, դեղարկղիկ,  լրացուցիչ տաք հագուստ, սնունդ, եթե չեք պատվիրել ընկերությանը:
  • Տվյալ տուրը միջին դժվարության է և հատուկ ֆիզիկական պատրաստվածություն չի պահանջում:
  • Անհատական տուրերի դեպքում ժամանակացույցը և երթուղին կարող է խմբագրվել ըստ ձեր ցանկության,
  • Տուրը կարելի է սկսել Երևանում ցանկացած ձեզ հարմար հասցեից,
  • Նախընտրելի ժամանակահատվածը՝ հունիսից սեպտեմբեր։ 
  • Մինչև 15 տարեկան անձանց տուրին մասնակցությունը չի խրախուսվում: 
  • Տվյալ հրապարակումը «Բարև Արմենիա» ընկերության մտավոր սեփականությունն է և նրա ամբողջական կամ մասնակի պատճենումը հեղինակային իրավունքի խախտում է: 



Ձեր անձնական փորձառությունը կարող է օգնել այլ զբոսաշրջիկների: Շնորհակալություն:
(* նիշով նշված դաշտերը պարտադիր են լրացման համար)


Անուն* :

Էլ-փոստ* (չի հրապարակվում) :

Վերնագիր :

Կարծիք* :


CODE






Երաշխավորված մեկնումով խմբային տուրեր


Բլոգի Նորությունները