Դասական տուր Հայաստանում և Վրաստանում

8 օր / 7 գիշեր
Համակցված Կովկաս տուր

Բացառիկ 9.75
Ըստ կարծիքների

Հայաստաում և Վրաստանում ճամփորդություն առաջարկող այս ծրագիրը նախատեսում է համեմատաբար կարճ ժամանակահատվածում բավական հագեցած երթուղի կովկասյան հնագույն այս երկու հարևան երկրներով: Հյուսիսից հարավ և արևելքից արևմուտք անցնող ճանապարհները հենց այստեղ են հատվել՝ ստեղծելով Եվրոպայից և Ասիայից տարբերվող, բայց միևնույն ժամանակ երկու աշխարհաքաղաքական ու մշակութային այդ բևեռների երանգները ներառող մշակութային և պատմական միկրոկլիմա: Բացահայտեք քաղաքակրթությունների խաչմերուկում հայտնված այս երկու հնագույն հարևանների ինքնատիպ մշակույթը, սովորությունները, հարուստ խոհանոցը և հյուրընկալության ավանդույթները:

Այս համակցված տուրի ընթացքում մենք կբացահայտենք ինչպես երկու երկրների ինքնատիպ մայրաքաղաքները, այնպես էլ մարզային փոքրիկ քաղաքներն ու գյուղերն իրենց յուրահատուկ կոլորիտով: Մեր մշակած ծրագիրը ենթադրում է ժամանում Երևան և հետադարձ թռիչք Թբիլիսիից, սակայն անհատական տուրերի դեպքում մենք պատրաստ ենք ամեն ինչ փոփոխել և հարմարեցնել ձեր պահանջներին:


Տուրի ծրագիրը

Օր 1

Օդանավակայան - Էջմիածին - Երևան

Դիմավորում Զվարթնոց օդանավակայանում: Տուր դեպի Էջմիածնի Մայր տաճար և գանձարան-թանգարան: Ժամանում Երևան և տեղավորում հյուրանոցում: Ճաշ Երևանում: Շրջայց քաղաքում: Հայաստանի պատմության թանգարան: Այցելություն Արարատ կոնյակի գործարան՝ շրջայցի և համտեսի: Ծիծեռնակաբերդի հուշահամալիր: Կասկադ համալիր, Գաֆեսճյան արվեստի կենտրոն: Ողջույնի ընթրիք ժողովրդական երգ ու պարով:
Օր 2

Երևան - Խոր Վիրապ - Արենի - Նորավանք - Երևան

Տուրի մեկնարկ Երևանից: Խոր Վիրապ վանական համալիր, որտեղից հրաշալի տեսարան է բացվում դեպի Արարատ լեռը: Շարժվում ենք դեպի Հայաստանի հարավային շրջաններ: Այցելություն 13-րդ դարում կառուցված Նորավանք: Վանք տանող ճանապարհի եզրին է գտնվում հայտնի «Արենի 1» կամ «Թռչունների» քարանձավը, որտեղից պեղվել են աշխարհի հնագույն կոշիկն ու գինեգրործարանը: Այստեղ պեղումները դեռ չեն ավարտվել, սակայն ցանկության դեպքում կարելի է բարձրանալ և տեսնել բացված շերտերը: Գինու համտես Արենի գործարանում: Ճաշ մոտակա ռեստորանում: Վերադարձ Երևան:
Օր 3

Երևան - Գառնի և Գեղարդ - Սևան - Դիլիջան - Հաղարծին - Հաղպատ (գիշերակաց)

Հյուրանոցից մեկնում ճամպրուկներով: Ֆոտո-կանգառ Չարենցի կամարի մոտ, որտեղից հիասքանչ տեսարան է բացվում դեպի Արարատ լեռը: Տուր դեպի հայկական միջնադարյան ճարտարապետության յուրահատուկ նմուշ հանդիսացող ժայռափոր Գեղարդավանք (12-13 դդ): Տուր դեպի Հայաստանի տարածքում հեթանոսության և հելինիզմի դարաշրջաններից պահպանված միակ հուշարձանը՝ Գառնու տաճար: Ճաշ Գառնի համայնքում՝ գյուղացու տանը, մասնակցություն հայկական լավաշի թխման արարողությանը: Տուր դեպի Սևան՝ ամենամեծ լիճը Կովկասում, այցելություն լճի հյուսիս-արևելյան ափին գտնվող Սևանավանք: Ժամանում հայ-վրացական ընկերության խորհրդանիշ հանդիսացող Դիլիջան քաղաք, այցելություն Դիլիջանի սաղարթախիտ անտառներում գտնվող 10-րդ դարի Հաղարծնի վանք: Մեկնում Հաղպատ գյուղ և տեղավորում հյուրանոցում: Ընթրիք և գիշերակաց Հաղպատում
Օր 4

Հաղպատ - Ախթալա - Բագրատաշեն - Թբիլիսի

Այցելություն 10-րդ դարում հիմնադրված Հաղպատավանք, հայկական միջնադարյան խոշոր վանքային համալիր, որ Սանահինի հետ միասին հանդիսանում է ՅՈՒՆԵՍԿՕ–ի համաշխարհային ժառանգության օբյեկտ։ Ախթալա, 10-րդ դարում հիմնադրված պարսպապատ վանական համալիր ուր ներդաշնակ միահյուսվել են հայկական, վրացական ու բյուզանդական ճարտարապետության տարրերը։ Հայ-վրացական սահմանի անցում Բագրատաշենի անցակետում: Ժամանում Թբիլիսի և տեղավորում հյուրանոցում: Ճաշ: Շրջայց քաղաքում՝ Սիոնի տաճարն: Հենց Քուռ գետի ափամերձ ժայռին գտնվող Մետեխի եկեղեցի, կառուցված 12-րդ դարում: Եկեղեցուց հրաշալի տեսարան է բացվում դեպի Հին Թբիլիսի: Նարիկալա ամրոցային համալիրը Հին Թբիլիսիում, Հին Թբիլիսի և ծծումբի բաղնիքներ, որոնք, ըստ ավանդության Վախթանգ Գորգասալ թագավորն է հայտնաբերել որսի ժամանակ: Բարի գալստյան ընթրիք ազգային երգ ու պարով: Վերադարձ հյուրանոց:
Օր 5

Թբիլիսի - Ջվարի վանք - Մցխեթա - Շատո Մուխրանի - Գորի - Ուփլիսցիխե - Թբիլիսի

Համար 1 մեկնակետը Ջվարի վանքն է, Վրաստանում քրիստոնեության հաստատումից հետո սուրբ Նունեն առաջին խաչն այստեղ է հիմնել: Վանքից հրաշալի բնապատկեր է բացվում. երևում են Մցխեթա քաղաքը, Քուռ գետի կիրճն ու Արագվի գետի հովիտը: Մեկնում Մցխեթա, որ Վրաստանի ամենաառաջին մայրաքաղաքն է եղել: Մցխեթայի երեք գլխավոր կառույցներն են՝ Սվետիցխովելի մայր տաճարը, Սամտավրո վանքն ու Բիբրեսցիխե ամրոցը: Գինետուր, գինու համտես և ճաշ Շատո Մուխրանի դղյակում: Այն կառուցվել է 1873թ, ունի սեփական խաղողի այգիներ և մառան: Ուղևորություն դեպի Գորի քաղաք, որը հայտնի է իր ամրոցով, Գորիսջվարի վանքով և Ստալինի թանգարանով: Գորիից մեկնում Ուփլիսցիխե ժայռափոր քաղաք: Այն հիմնվել է դեռևս մթա 1-ին հազարամյակում և նախաքրիստոնեական շրջանում եղել է սրբավայր և տաճարային համալիր:
Օր 6

Թբիլիսի - Կախեթի - Սղնախ - Միրզաանի - Վելիսցիխ - Նափարեուլի

Թբիլիսիից մեկնում դեպի Կախեթի երկրամաս, վրացական գինեգործության կենտրոնը: Կանգառ Սղնախում, որ հայտնի է իբրև Սիրո Քաղաք, գինու համտես «Փասյանի արցունքներ» գինու մառանում: Այցելություն Բադբիի վանք, ուր գտնվում է Սբ. Նունեի գերեզմանը: Այցելություն նկարիչ Նիկո Փիրոսմանիի տուն-թանգարանը Միրզաանի գյուղում: Ճաշ և շրջայց Նումիսի գինու թանգարանում Վելիսցիխ գյուղում: Այցելություն Նափարեուլի գյուղի Երկվորյակների հին մառան, տուր թանգարանում, քվեվրիներում պատրաստված գինու համտես, ընթրիք և գիշերակաց գինեգործարանի հյուրատանը:
Օր 7

Նափարեուլի - Գրեմի - Ծինանդալ - Թելավ - Իկալտո - Ալավերդի - Թբիլիսի

Նափարեուլիից մեկնում արքայական ամրոց և բերդ՝ Գրեմի: Քաղաքը Կախեթի թագավորության մայրաքաղաքն է եղել 16-17 դարերում, հիմնադրվել է Լեվան Կախեթիացու կողմից և եղել է աշխույժ առևտրական հանգույց Մետաքսե ճանապարհին: Ուղևորություն Ծինանդալ, Ալեքսանդր Ճավճավաձեի տուն-թանգարան: Ճաշ Թելավում, այցելություն Հերակլ 2-րդի դղյակ-թանգարանը: Ուղևորություն Իկալտո՝ Կախեթի հնագույն վանքն ու ակադեմիան: Այցելություն Ալավերդի՝ Սուրբ Գևորգի տաճար: Վերադարձ Թբիլիսի և տեղավորում հյուրանոցում:
Օր 8

Թբիլիսի - Շրջայց քաղաքում - տեաղափոխում օդանավակայան

Այցելություն Ծմինդա Սամեբա (Սուրբ Երրորդություն) տաճարը Թբիլիսիում, Վրացական Ուղղափառ Եկեղեցու գլխավոր մայր տաճարնը: Թբիլիսիի բացօթյա ազգագրական թանգարան` ժողովրդական ճարտարապետության թանգարան, որ ներառում է Վրաստանի տարբեր տարածաշրջաններին բնորոշ ոճով կառուցված շուրջ 70 տուն: Հուշանվերների, գինու, ճաճայի և վրացական այլ ապրանքների գնում ըստ ցանկության: Տեղափոխում Թբիլիսիիի օդանավակայան

Անհատական տուր ըստ պատվերի

Պատվիրելու համար սեղմել գնի վրա
2-3 անձ 4-6 անձ 7-15 անձ 16-25 անձ 25 > անձ
AMD 626940 AMD 427194 AMD 332910 AMD 310716 AMD 277425

Երաշխավորված մեկնումով խմբային տուրեր

Պատվիրելու համար սեղմել գնի վրա
Տուրի տևողությունը 3* հյուրանոց
9-16.06 AMD 378000
23- 30.07 AMD 378000

Տարադրամ :

*Տուրփաթեթի գինը նշված է մեկ անձի համար:

* Մեկ տեղանոց համարում բնակության համար գործում է հավելավճար:

 

Տուրի գինը ներառում է՝

 

 

  • Անհատական դիմավորում և ճանապարհումը օդանավակայանում,
  • Երևանում և Թբիլիսիում ողջույնի ընթիքներ, որ ներառում է ազգային երգ ու պարով շոու ծրագիր և գինի,
  • Բնակություն 3* հյուրանոցներում՝ 2 գիշեր Երևանում, 1 գիշեր Հաղպատում, 3 գիշեր Թբիլիսիում և 1 գիշեր Նափարեուլիում, նախաճաշը ներառված է գնի մեջ,
  • Տրանսպորտային սպասարկումը հարմարավետ մեքենաներով,
  • 8 ճաշ հայկական և վրացական խոհանոցով լավագույն ռեստորաններում, ազգային կոլորիտով հյուրատներում և գյուղական տներում,
  • Ուղեկցող զբոսավարի ծառայությունը (8 տուր և դիմավորում/ճանապարհումը),
  • Գինու և կոնյակի համտեսները,
  • Մուտքի տոմսերը,
  • Տուրի ծրագիրը, Հայաստանի ու Վրաստանի տուրիստական քարտեզները;
  • Անսահմանափակ քանակությամբ խմելու ջուրը մեքենայում;
  • Շուրջօրյա հեռախոսային աջակցությունը
  • Հարկերը:

 

 

Տուրի գինը չի ներառում՝

 

 

  • Ավիատոմսերը,
  • Ալկոհոլային խմիչքները,
  • Ապահովագրությունը: 

 

 

 

Նշումներ՝

 

 

  • Բոլոր առավելապես հարմար չվերթների ցանկը:
  • Անհատական տուրերի դեպքում կարող եք ընտրել ցանկացած այլ հյուրանոց,
  • Մինչև 5 տարեկան երեխաների համար տուր փաթեթը անվճար է, 6-ից 11 տարեկան երեխաների համար նախատեսված է 50% զեղչ:



Ձեր անձնական փորձառությունը կարող է օգնել այլ զբոսաշրջիկների: Շնորհակալություն:
(* նիշով նշված դաշտերը պարտադիր են լրացման համար)


Անուն* :

Էլ-փոստ* (չի հրապարակվում) :

Վերնագիր :

Կարծիք* :


CODE






Երաշխավորված մեկնումով խմբային տուրեր


Բլոգի Նորությունները