«Բարև Արմենիա» ճամփորդական ընկերության


Բարի գալուստ «Բարև Արմենիա» ճամփորդական ընկերության պաշտոնական կայք: Մեր ընկերության անունը մտածելիս որոշեցինք օգտագործել այն երկու կարևոր բառերը, որոնք յուրաքանչյուր զբոսաշրջիկ անպայման սովորում է Հայաստան այցելելուց առաջ կամ անմիջապես հետո. դրանք «Բարև» և «Արմենիա» բառերն են: Բարևը հայերեն ողջույնի պաշտոնական և ոչ պաշտոնական ամենից հաճախ օգտագործվող արտահայտությունն է, այն հայերեն հնագույն գեղեցիկ բառ է, որով մենք դիմավորում ենք մեր հյուրերին: 

«Բարև Արմենիան» հրաշալի գիտի Հայաստանը և սիրով կբացահայտի այն ձեզ համար: Որ երկրից էլ որ դուք լինեք, ինչ ազգության, տարիքի, սեռի և ինչ հետաքրքրություններ էլ որ ունենաք, մեր տուր-խորհրդականները կկազմեն Ձեր և Հայաստանի ժամադրության լավագույն սցենարը, այնպիսին, որ դուք առաջին իսկ հանդիպումից մինչև ականջներիդ ծայրը կսիրահարվեք մեր երկրին: 

Մեր դասական, հատուկ, մեկօրյա և մինի տուր փաթեթներից մեկում հաստատ կգտնեք ձեր առաջիկա Հայաստան այցելության ծրագիրը: Կան տեսարժան վայրեր, որոնք անպայման պետք է այցելել Հայաստանի մասին լիարժեք տպավորություն ունենալու համար և կան տուրիստական երթուղիներ ու վայրեր, որոնք հետաքրքիր են միայն հատուկ հետաքրքրություններ ունեցող անձանց: Մեր Տուր Որոնիչ բաժնից կարող եք գտնել հենց ձեր հետաքրքրություններն բավարարող ճամփորդական ծրագիր, որը մշակվել է փորձառու և հմուտ տուրիզմի մասնագետների կողմից:   

Հայաստանը խորհրդավոր և անսպասելի հետաքրքիր երկիր է, այն վառ գույների և կոնտրաստային անցումների երկիր է, ինչ զգացողություններ էլ որ փնտրես Հայաստանում, քո ճամփորդության ընթացքում ամենահիմնական զգացողությունը, որ մենք երաշխավորում ենք քեզ, դա հարազատության զգացողությունն է, որ պայմանավորված է առանձնահատուկ ջերմ, հոգատար և ուշադիր մարդկանցով, որ ապրում են Հայաստանում: 

«Բարև Արմենիա» տուրօպերատորի հյուրընկալության գլխավոր կոնցեպցիան հետևյալն է` «մեր հյուրերը կարող են մեր ընկերները դառնալ», այդ պատճառով մենք ապահովում ենք բոլոր այն ծառայությունները, որոնք կարող են պետք գալ Հայաստան այցելող զբոսաշրջիկին, օդանավակայանով կամ ցամաքային անցակետով Հայաստան մուտք գործելու պահից մինչ մեկնելը, նաև անվճար խորհրդատվություն և աջակցություն Հայաստանում ձեր գտնվելու ընթացքում: 

Հայաստանը ծովային ուղիներ չունի և զբոսաշրջիկների մեծ մասը Հայաստան են այցելում հենց օդային ճանապարհով` Զվարթնոցի կամ Գյումրու օդանավակայաններով և առաջին  ծառայությունը, որի կարիքը դուք կարող եք ունենալ, դա օդանավակայանում դիմավորումն է և  տեղափոխումը ժամանակավոր բնակության վայր: 

Մենք կօգնենք ձեզ նաև բնակության հարցում. Երևանի և Հայաստանի մարզերի բոլոր վստահելի հյուրանոցները, հյուրատներն ու հանրակացարանները ներկայացված են մեր կայքում իրենց բոլոր մանրամասներով: Եթե Հայաստան եք այցելել բուժման և առողջության վերականգման համար, մեր կայքի Հայաստանի առողջարանները բաժնում կգտնեք ձեզ հարմար առողջարանն ու հյուրատունը` Հայաստանի գեղատեսիլ հանգստավայրերից որևէ մեկում` Ջերմուկ, Սևան, Դիլիջան, Աղվերան, Արզնի:

Գաղտնիք չէ, որ հյուրանոցները Հայաստանում բավականին թանկ են և իրենց գներով հասնում են նույնիսկ Եվրոպական գներին: Եթե չեք ուզում ավելորդ գումար ծախսել բնակության համար, ապա մենք առաջարկում ենք օրավարձով բարձրակարգ բնակարաններ Երևանի կենտրոնում բավականին մատչելի գներով: Օրավարձով բնակարանում բնակությունը զերծ է որևէ ռիսկից և դուք կարող եք այն վարձակալել առանց որևէ մտահոգության: 

Հայաստանն ընդհանրապես ամենաանվտանգ և զբոսաշրջիկների հանդեպ բարիացկամ երկրներից մեկն է համարվում: Ձեզ անհրաժեշտ է միայն հետևել հասարակական կարգի կանոններին, որոնք ոչնչով չեն տարբերվում քաղաքակիրթ, քրիտոնյա այլ երկրների կանոններից:

Հայկական խոհանոցը լի է վառ գունային և հագեցած համային փնջերով: Որոշ բաղադրատոմսեր մի քանի հազար տարեկան են: Մեր տուր ծրագրերն այնպես են կազմվում, որ դուք հասցնեք փորձել գրեթե բոլոր հայտնի հայկական ուտեստները: Իսկ տուրերից դուրս, մեր Ռեստորաններ բաժնում կարող եք սեղան պատվիրել Երևանի և ամբողջ Հայաստանի տարածքում գործող որևէ ռեստորանում: Մեր կայքում ռեստորանի առկայությունը վկայում է նրա սպասարկման բարձր մակարդակի և Հայաստանը ներկայացնելուն արժանի լնելու մասին:

Ձեր Հայաստանում գտնվելու ողջ ընթացքում մեր բարձրակարգ տրանսպորտային միջոցներն ու փորձառու վարորդները կապահովեն անվտանգ և հարմարավետ ճամփորդություններ:

Ի դեպ Բարև Արմենիան տրամադրում է նաև վարձով մեքենաներ առանց վարորդի` փոքր և մեծ  ջիպեր, էկոնոմ և ներկայացուցչական դասի մեքենաներ, որոնք դուք կարող եք վարձել Հայաստանում և Արցախում ինքնուրույն ճամփորդելու համար:

Եվ հիշեք, Հայաստան մուտք գործելու ձեր գաղտնաբառն է` Բարև, իսկ մնացածը մենք կկազմակերպենք ինքներս:

 

Ցտեսություն Հայաստանում:

Բարև Թիմ



Ձեր անձնական փորձառությունը կարող է օգնել այլ զբոսաշրջիկների: Շնորհակալություն:
(* նիշով նշված դաշտերը պարտադիր են լրացման համար)


Անուն* :

Էլ-փոստ* (չի հրապարակվում) :

Վերնագիր :

Կարծիք* :


CODE






Երաշխավորված մեկնումով խմբային տուրեր


Բլոգի Նորությունները